Miguel Ángel Correa Duarte

Breve CV

Miguel A. Correa-Duarte obtivo o grao de doutor en Química pola Universidade de Vigo en 2002. Tras este período realizou estadías de posdoutoramento en CAESAR (Alemaña) e Arizona State University (EUA). Na actualidade ocupa unha praza como Catedrático no Departamento de Química Física da Universidade de Vigo; nesta dirixe o Centro de investigacións CINBIO e o TeamNanoTech, grupo dedicado ao deseño, á síntese e á aplicación de nanomateriais e á súa integración en dispositivos. Correa Duarte publicou máis de cen artigos en revistas de alto impacto e rexistrou cinco patentes. Ademais, foi investigador principal (IP) de quince proxectos de investigación nacionais e internacionais e coordina a Rede Galega de Nanomedicina.